سری لنکا نے آئندہ ہفتے آسٹریلیا کے خلاف آٹھ میچوں کی سیریز کے آغاز سے قبل سابق مایہ ناز فاسٹ باؤلر لاستھ ملنگا کو باؤلنگ اسٹریٹیجی کوچ مقرر کردیا ہے۔
خبر رساں ایجنسی اے ایف پی کے مطابق آسٹریلیا اور سری لنکا کے درمیان تین ٹی20 اور پانچ ون ڈے میچوں کی سیریز کھیلی جائے گی اور سری لنکن کرکٹ کے مطابق ملنگا کی مہارت اور تجربہ ان دونوں سیریز میں ٹیم کے لیے بہت اہمیت کا حامل ہو گا۔
بورڈ نے کہا کہ تجربہ کار سابق باؤلر سری لنکن باؤلرز کو سپورٹ کریں گے اور ان کو تکنیکی مہارت فراہم کریں گے تاکہ وہ اپنے اسٹریٹیجک منصوبوں کو عملی جامہ پہنچا سکیں۔
ان کا کہنا تھا کہ سری لنکن کرکٹ پراعتماد ہے کہ ملنگا اپنے بے پناہ تجربے اور اختتامی اوورز میں باؤلنگ کی مہارت سے اس اہم سیریز میں ٹیم کو مدد ملے گی۔
