کورونا کے باعث چین کا ایشین کپ کی میزبانی سے دستبردار

 ایشین فٹبال کپ 2023 فائل فوٹو ایشین فٹبال کپ 2023

کورونا وائرس کا ملک سے مکمل خاتمہ کرنے کیلئے پرعزم چین ایشین کپ فٹبال ٹورنامنٹ کی میزبانی سے بھی دستبردار ہوگیا ہے۔

ایشین فٹبال کنفیڈریشن کی جانب سے جاری بیان میں کہا گیا ہے کہ چین کورونا وائرس کی وجہ سے 2023 میں شیڈول ایشین کپ کی میزبانی سے دستبردار ہو گیا ہے۔

ایشین کپ میں 24 ٹیموں نے حصہ لینا تھا اور اس کے میچز 10 مختلف شہروں میں شیڈول تھے۔ نئے میزبان ملک کا اعلان بعد میں کیا جائے گا۔

خیال رہے کہ ایشین کپ ہر چار سال بعد منعقد ہوتا ہے اور 2019 کے ٹورنامنٹ میں قطر نے کامیابی حاصل کی تھی۔

چین کو دوسری بار ایشین کپ کی میزبانی ملی تھی ، اس سے قبل ین 2004 میں اس ایونٹ کی میزبانی کر چکا ہے اور فائنل میں اسے جاپان سے 1-3 سے شکست ہوئی تھی۔

subscribe YT Channel install suchtv android app on google app store