چٹاگانگ ٹیسٹ، بنگلہ دیش کے330 رنز کے تعاقب میں پاکستان کا پر اعتماد آغاز

چٹاگانگ ٹیسٹ: حسن علی کی تباہ کن باولنگ، بنگال ٹائیگرز 330 رنز پر آؤٹ فائل فوٹو چٹاگانگ ٹیسٹ: حسن علی کی تباہ کن باولنگ، بنگال ٹائیگرز 330 رنز پر آؤٹ

پاکستان اور بنگلا دیش کے درمیان دو ٹیسٹ میچوں کی سیریز کے پہلے میچ میں میزبان ٹیم کے 330 رنز کے جواب میں پاکستانی اوپنرز نے پراعتماد بلے بازی کا مظاہرہ کیا۔چٹاگانگ کے ظہور احمداسٹیڈیم میں کھیلے جارہے میچ میں آج دوسرے روز کا کھیل ختم ہوگیا جس میں پاکستان نے بغیر کسی نقصان کے 145 رنز بنائے۔

قومی ٹیم کے اوپنرز عابد علی اور عبداللہ شفیق نے پراعتماد بیٹنگ کرتے ہوئے بہترین شراکت داری قائم کرلی ہے اور دونوں نے نصف سنچریاں اسکور کیں، عبداللہ شفیق نے اپنے ڈیبیو میچ میں نصف سنچری بنائی۔

عبداللہ شفیق 52 اور عابد علی 93 رنز پر ناٹ آؤٹ ہیں جب کہ بنگلادیش کو پاکستان پر 185 رنز کی برتری حاصل ہے۔

قبل ازیں بنگلا دیش نے اپنی پہلی نامکمل اننگز کا آغاز کیا تو لٹن داس 113 اور مشفیق الرحیم 82 رنز پر بیٹنگ کر رہے تھے۔

تاہم کھیل کے دوسرے ہی اوور میں حسن علی نے گزشتہ روز سنچری اسکور کرنے والے لٹن داس کو ایک رن کے اضافے کے بعد 114 رنز پر ایل بی ڈبلیو کر دیا۔ لٹن داس اور مشفیق الرحیم کے درمیان 206 رنز کی شراکت ہوئی۔

اگلے آنے والے بیٹر یاسر علی کو بھی حسن علی نے 4 رنز پر بولڈ کر دیا جبکہ مشفیق الرحیم 91 رنز بنا کر فہیم اشرف کی گیند پر وکٹوں کے پیچھے کیچ آؤٹ ہو گئے۔ بنگلا دیش نے 8 وکٹون کے نقصان پر 306 رنز بنا لیے ہیں اور اس کی دو وکٹیں باقی ہیں۔
کھیل کے پہلے روز بنگلا دیش نے لٹن داس اور مشفیق الرحیم کی ذمے دارانہ بیٹنگ کے باعث 4 وکٹوں کے نقصان پر 253 رنز اسکور کیے تھے۔

subscribe YT Channel install suchtv android app on google app store