آل راونڈر شاہد آفریدی پی ایس ایل 6 کے بقیہ میچز سے باہر

آل راونڈر شاہد آفریدی فائل فوٹو آل راونڈر شاہد آفریدی

ملتان سلطانز کے آل راونڈر شاہد آفریدی کمر میں تکلیف کے سبب پاکستان سپر لیگ (پی ایس ایل) 6 کے بقیہ میچز سے باہر ہو گئے۔

سماجی رابطوں کی ویب سائٹ ٹوئٹر سے جاری اپنے پیغام میں شاہد آفریدی نے بتایا کہ پی ایس ایل کے لیے ٹریننگ کے دوران مجھے کمر میں تکلیف محسوس ہوئی۔

انہوں نے بتایا کہ کمر کی تکلیف سے متعلق ڈاکٹرز کو بتایا جنہوں نے چیک اپ کے بعد آرام کا مشورہ دیا ہے جس کی وجہ سے میں ملتان سلطانز کی نمائندگی نہیں کر سکتا۔

ان کا کہنا تھا کہ میرا دل سخت خفا ہے کیونکہ میں بہت محنت سے پریکٹس اور ٹریننگ کر رہا تھا۔

subscribe YT Channel install suchtv android app on google app store