سندھ کے مختلف شہروں سے 60 ہزار سے زائد گندم کی بوریاں غائب ہونے کا انکشاف

گندم کی قلت کےتناظر میں نیب سکھر کی کارروائیوں سے متعلق اعلامیہ میں کہا گیا ہے کہ سندھ کے 11 اضلاع کے گندم سینٹرز پر چھاپےمارے گئے ہیں۔

اعلامیہ کے مطابق کارروائی کے دوران فوڈ سینٹرز کا ریکارڈ تحویل میں لیاگیا جس سے معلوم ہوا کشمور فوڈ سینٹرز سے 60 ہزار گندم کی بوریاں غائب ملیں ہیں۔

اسی طرح نوشہرو فیروزسینٹرز سے 16 ہزار3 سو گندم کی بوریوں کی خورد برد کی گئیں، خوردبردکی گئی گندم کی مالیت 234 ملین ہے۔

نیب کا کہنا ہے کہ دیگر سینٹرز پر گندم کی بوریوں کی گنتی جاری ہے جس کے بعد رپورٹ مرتب کی جائے گی۔