پیپلزپارٹی نے سندھ کے شہری اور دیہی علاقوں کو تقسیم کررکھا ہے، ایم کیو ایم پاکستان

  • اپ ڈیٹ:
 خالد مقبول صدیقی فائل فوٹو خالد مقبول صدیقی

ایم کیو ایم پاکستان کے کنوینر خالد مقبول صدیقی کا کہنا ہے کہ پیپلزپارٹی نے سندھ کے شہری اور دیہی علاقوں کو تقسیم کررکھا ہے۔

ایم کیو ایم پاکستان کے کنوینر خالد مقبول صدیقی نے میڈیا سے گفتگو کرتے ہوئے کہا کہ پیپلزپارٹی جس طاقت کا مظاہرہ کررہی ہے۔ وہ سرکاری طاقت ہے، ہم کسی طاقت کا نہیں عوامی مظاہرہ کررہے ہیں۔

انہوں نے کہا کہ ایک طرف یہ کورونا کورونا کررہے ہیں دوسری طرف عوام کو سڑکوں پر لارہے ہیں، ہم نے اپنے حصے کی قربانی دی، اب ان کی باری ہے۔

خالد مقبول صدیقی نے کہا کہ ووٹ کی قدر نہیں ہوگی تو سڑکیں بولتی ہیں اور دیواریں رنگین ہوتی ہیں، دنیا سے جب انصاف نہیں ملتا تو پھر سڑکیں انصاف کرتی ہیں۔

انہوں نے کہا کہ ایم کیو ایم کسی کی جاگیر نہیں، جو ایم کیو ایم میں رہتا ہے اسے پارٹی قوانین کو ماننا پڑتا ہے۔ فاروق ستار یا ایم کیو ایم سے الگ ہونے والوں کو صحیح غلط کا سوچنا چاہئے، فاروق ستار کا مستقبل ان کے ہاتھ میں ہے۔

ایم کیو ایم پاکستان کے کنوینر نے کہا کہ نواز شریف اداروں پر تنقید کررہے ہیں ان سے پوچھا جاسکتا ہے، کوئی اور ایسی باتیں کرتا تو وہ غدار تھا، حالات تبدیل ہوگئے کوئی اس طرح کی باتیں کررہا ہے تو ہم کس سمت کھڑے ہیں، ہم ان بیانات کے بعد تاریخ کے بائیں یا دائیں طرف کھڑے ہیں۔

خالد مقبول صدیقی نے کہا کہ نواز شریف کو آج دھاندلی نظر آرہی ہے، جب دوسرے کہتے تھے تو غداری کے سرٹیفکیٹ بانٹے جاتے تھے۔

install suchtv android app on google app store