کراچی میں فائرنگ سے پاک سرزمین پارٹی کے رہنما جاں عبدالحبیب بحق

پاک سر زمین پارٹی (پی ایس پی) کے رہنما اور چیمبر آف کامرس کے رکن عبدالحبیب فائل فوٹو پاک سر زمین پارٹی (پی ایس پی) کے رہنما اور چیمبر آف کامرس کے رکن عبدالحبیب

کراچی میں سخی حسن چورنگی کے قریب نامعلوم افراد کی فائرنگ سے پاک سر زمین پارٹی (پی ایس پی) کے رہنما اور چیمبر آف کامرس کے رکن عبدالحبیب جاں بحق ہوگئے، پولیس کے مطابق نامعلوم ملزمان نے ان کی گاڑی پر پانچ سے چھ گولیاں فائر کیں جو دو نائن ایم ایم پستولوں سے چلائی گئیں۔

سخی حسن چورنگی کے قریب ٹارگٹ کلنگ کا نشانہ بننے والے شخص کی شناخت عبدالحبیب کے نام سے ہوئی ہے۔ پولیس کے مطابق نامعلوم ملزمان نے ان کی گاڑی پر پانچ سے چھ گولیاں فائر کیں جو دو نائن ایم ایم پستولوں سے چلائی گئیں۔

مقتول کے پاس سے کراچی چیمبر آف کامرس کا کارڈ ملا ہے، تفتیشی ذرائع کے مطابق دو موٹر سائیکلوں پر چار ملزمان نے واردات کی، ملزمان پینٹ شرٹ میں ملبوس تھے، دو نے ہیلمٹ پہنے ہوئے تھے۔

فائرنگ کی جگہ سے جیوفینسنگ اور گاڑی کی فرانزک کروائی جائے گی جبکہ جائے وقوع کے اطراف سی سی ٹی وی کیمروں کی فوٹیج بھی حاصل کی جارہی ہے۔

ترجمان پی ایس پی کے مطابق حبیب پی ایس 122 سے پی ایس پی کے امیدوار تھے جبکہ چیئرمین پی ایس پی مصطفیٰ کمال نے قتل کی مذمت کرتے ہوئے ملزمان اور سہولت کاروں کی جلد گرفتار کا مطالبہ کیا ہے۔

آصف حسنین اور پی ایس پی کے دیگر رہنما بھی اسپتال پہنچے اور مقتول کے اہل خانہ سے تعزیت کی۔

آئی جی سندھ ڈاکٹر کلیم امام نے ایس ایس پی سینٹرل سے تفصیلی انکوائری رپورٹ طلب کرلی ہے جبکہ وزیراعلیٰ سندھ نے بھی ایڈیشنل آئی جی سے رپورٹ طلب کی اور قاتلوں کی جلد گرفتاری کی ہدایت کی ہے۔

subscribe YT Channel install suchtv android app on google app store