ڈاکٹر عاصم حسین کا ویڈیو پیغام

اپنے ویڈیو پیغام میں پیپلز پارٹی کے رہنما ڈاکٹر عاصم حسین نے پارٹی چھوڑنے کی سختی سے تردید کردی ہے۔ انہوں نے کہا کہ میں پاکستان کی یونٹی پر یقین رکھتا ہوں۔ پاکستان پیپلز پارٹی چھوڑ کر کہیں نہیں جارہا۔ انہوں نے کہا کہ میں پارٹی میں ہی ہوں اور وفادار بھی، علاج کے بعد انشاءاللہ واپس آکر پھر سیاست کروں گا۔

*ڈاکٹر عاصم حسین کا ویڈیو پیغام*
میں اس بات کی سختی سے تردید کرتا ہوں کہ میں پاکستان پیپلز پارٹی چھوڑ رہا ہوں۔ مجھے چیئرمین پاکستان پیپلز پارٹی کی قیادت پر اور بلاول بھٹو زرداری پر پورا یقین ہے۔ میں ایک وفاقی آدمی ہوں۔ میں پاکستان کی یونٹی پر یقین رکھتا ہوں pic.twitter.com/R3Kgy2DF5u

— Dr. Asim Hussain (@iDrAsim) November 24, 2017

 

واضح رہے کہ 17 نومبر کو گردش کرنے والی خبروں کے مطابق ڈاکٹر عاصم نے پارٹی عہدے پر کام کرنے سے معذرت کرلی تھی۔ ڈاکٹر عاصم نے پارٹی کے شریک چیئرمین آصف زرداری سے رابطہ کرکے پارٹی عہدے پر کام کرنے سے معذرت کی تھی۔

ڈاکٹر عاصم کا کہنا تھا کہ بیرون ملک سرجری کی وجہ سے عہدے پرکام جاری نہیں رکھ سکتا، لیکن پارٹی میں کارکن کے طور پر کام کرتا رہوں گا۔