تعلیمی اداروں میں چھٹی کا اعلان، طلبہ خوشی سے نہال

محکمہ تعلیم سندھ نے چہلم امام حسینؓ پر چھٹی کا اعلان کردیا اور اس حوالے سے نوٹیفکیشن بھی جاری کردیا ہے۔

نوٹیفکیشن میں کہا گیا کہ حضرت امام حسین علیہ السلام پر سندھ میں سرکاری ونجی تعلیمی ادارے اور کالجز بندرہیں گے۔

ذرائع چیف سیکریٹری آفس نے کہا کہ سندھ میں عام تعطیل نہیں ہوگی تاہم سندھ میں متعلقہ ڈویژن کے کمشنر عام تعطیل کااعلان کرسکتےہیں۔

خیال رہے 26 اگست کو حضرت امام حسین علیہ السلام کا چہلم آج عقیدت واحترام سے منایا جائے گا اور ملک بھر میں ذوالجناح، تعزیہ اور علم کے ماتمی جلوس نکالے جائیں گے۔

کراچی میں حضرت امام حسین علیہ السلام کے چہلم کے سلسلے میں نشتر پارک میں مجلس عزا منعقد ہوگی اور جلوس حسینیہ ایرانیان کھارا در پہنچ کر اختتام پذیر ہوگا۔