وفاقی وزیربرائے سائنس و ٹیکنالوجی فواد چودھری نے وزرائے اعلیٰ پر طنز کرتے ہوئے کہاہے کہ وزرائے اعلیٰ خود کو بادشاہ سمجھتے ہیں اور یہ عوام کے مفاد کے خلاف ہے۔
پاکستان تحریک انصاف کے رہنما فواد چودھری نے کہاکہ صوابدیدی فنڈ آئین کے آرٹیکل140-A کی خلاف ورزی ہے۔
سماجی رابطے کی ویب سائٹ ٹویٹر پر وفاقی وزیر نے صوبائی فنڈز اور وسائل کی تقسیم کے حوالے سے اپنے خیالات کا اظہارکیا ہے۔ فواد چودھری کا کہنا ہے کہ ’مسئلہ پنجاب حکومت کا نہیں وسائل کی تقسیم کاہے، وزرائے اعلیٰ کے پاس صوابدیدی فنڈآرٹیکل140-Aکی خلاف ورزی ہے جس فارمولے کے تحت فنڈز وفاق صوبوں میں تقسیم کرتا ہے اسی طرح صوبائی سطح پر اضلاع میں فنڈز تقسیم ہونے چاہئیں۔ وزرائے اعلیٰ خود کو بادشاہ سمجھتے ہیں یہ عوامی مفاد کیخلاف ہے۔
مسئلہ پنجاب حکومت کا نہیں وسائل کی تقسیم کا ہے، وزرائے اعلیٰ کےپاس صوابدیدی فنڈ آرٹیکل 140-A کی خلاف ورزی ہے جیسے فارمولے کے تحت فنڈز وفاق صوبوں میں تقسیم کرتا ہے اسی طرح صوبائ سطح پر اضلاع میں فنڈز تقسیم ہونے چاہئیں۔ وزرائے اعلیٰ خود کو بادشاہ سمجھتے ہیں یہ عوامی مفاد کیخلاف ہے
— Ch Fawad Hussain (@fawadchaudhry) January 17, 2020