لاہور ہائیکورٹ نے چودھری نثار سے آخر کار جواب طلب کر لیا لیکن کس جرم میں؟ جانیے اس خبر میں

  • اپ ڈیٹ:
چوہدری نثار فائل فوٹو چوہدری نثار

ہائیکورٹ نے صوبائی اسمبلی کا حلف نہ لینے پر چوہدری نثار کے حلقے کے انتخابات کو کالعدم قرار دینے سے متعلق درخواست پر سابق وفاقی وزیر سے جواب طلب کر لیا۔

لاہور ہائیکورٹ کے جسٹس شاہد وحید نے کیس کی سماعت کی جس میں درخواست گزار کی جانب سے کہا گیا کہ چوہدری نثار صوبائی اسمبلی کی نشست پر کامیاب ہوئے لیکن تاحال حلف نہیں اٹھایا۔

درخواست گزار نے کہاکہ چوہدری نثار کے حلف نہ اٹھانے سے حلقے کی عوام نمائندگی سے محروم ہے، ان کا حلف نہ لینا ووٹرز کی توہین اور آئین کی خلاف ورزی ہے عدالت الیکشن کمیشن کو چوہدری نثار کو ڈی نوٹیفائی کرنے کا حکم دے۔

درخواست گزار کے مؤقف پر عدالت نے الیکشن کمیشن اور چوہدری نثار کو نوٹس جاری کرتے ہوئے جواب طلب کرلیا۔

واضح رہے کہ چوہدری نثار 25 جولائی 2018 کے عام انتخابات میں رکن پنجاب اسمبلی منتخب ہوئے تھے تاہم انہوں نے حلف نہیں اٹھایا۔

مسلم لیگ (ن) کی قیادت سے ناراض چوہدری نثار نے آزاد حیثیت سے قومی اسمبلی کی 2 اور صوبائی اسمبلی کی ایک نشست پر انتخاب لڑا تھا جس میں انہیں صرف پنجاب اسمبلی کی نشست پر کامیابی ملی تھی۔

install suchtv android app on google app store