چوہدری سرور کا گورنر ہاؤس لاہور بھی عوام کیلئے کھولنے کا اعلان

چوہدری سرور کا گورنر ہاؤس لاہور بھی عوام کیلئے کھولنے کا اعلان فائل فوٹو چوہدری سرور کا گورنر ہاؤس لاہور بھی عوام کیلئے کھولنے کا اعلان

گورنر پنجاب چوہدری محمد سرور نے گورنر ہاؤس لاہور کو بھی عوام کے لیے کھولنے کا اعلان کردیا۔

اس سے قبل چوہدری سرور نے گورنر ہاؤس مری کوعوام کے لیے کھولنے کا اعلان کیا تھا۔

گورنر ہاؤس لاہور میں پریس کانفرنس کرتے ہوئے چوہدری محمد سرور نے کہاکہ وزیراعظم کی ہدایت پر گورنر ہاؤس لاہور صبح 10 سے شام 6 بجے تک عوام کے لیےکھول دیا جائے گا، میں ڈیفنس میں اپنے گھر میں رہ رہا ہوں اور وہیں رہنا چاہتا ہوں، گورنر ہاؤس عوام کی ملکیت ہے اور سرکاری عمارتیں ملک کا اثاثہ ہیں، ہم یہ تاثر تبدیل کرنا چاہتے ہیں کہ ملک صرف اشرافیہ کے لیے ہے۔

انہوں نے کہا کہ گورنر سمیت تمام حکومتی عمائدین خود کو احتساب کیلئے پیش کریں گے، خود کوئی غلط کام کریں گے اور نہ کسی کو کرنے دیں گے، ہم عوامی مسائل کو حل کرنےکی کوشش کریں گے۔

واضح رہےکہ گورنر سند عمران اسماعیل نے بھی گورنر ہاؤس کو عوام کے لیے کھول دیا ہے جس کے مخصوص حصے میں عوام کے آنے کے اوقات رکھے گئے ہیں۔

install suchtv android app on google app store