شریف خاندان ملک کو لوٹ کر کھا گیا: شیخ رشید احمد

ملتان میں جلسے سے خطاب کرتے ہوئے شیخ رشید نے کہا کہ ہم پاکستان میں چوروں کو اس لیے ووٹ دیتے ہیں کہ ہمیں لوٹیں اور ہمارا پیسہ بینکوں سے نکال کر باہر منتقل کردیں۔

انہوں نے کہا کہ چند روز قبل چینی سفارتکار سے ملاقات ہوئی تو انہوں نے بتا یا کہ چین میں 200 لوگوں کو کرپشن کرنے پر سزائے موت دی گئی۔ میٹرو کے لٹیرے کو بھی چوک میں گولی مار دی جانی چاہیے۔

خدا گواہ ہے کہ نواز شریف نے اپنے قریبی حلقوں میں کہا ہے کہ میرانام بدنام ہوا ہے سارا مال شہباز شریف نے بنا یا ہے۔شیخ رشید نے مزید کہا کہ جو اپنی جائیدادیں باہر رکھیں ایسے لوگوں کو حکومت کرنے کا کوئی حق نہیں۔

ہم سی پیک کے حامی ہیں لیکن چوروں نے ٹھیکوں میں دگنا بجٹ بنایا۔ انہوں نے مزید کہا کہ لوگوں تیار ہو جاﺅ، ان کو محلات سے نکال کر ان پر کتے چھوڑیں گے۔