تحریک انصاف کے رہنما جہانگیر ترین نے مطالبہ کیا ہے کہ جنوبی پنجاب کے اختیارات سرائیکی عوام کے سپرد کیے جائیں۔
میڈیا سے گفتگو میں جہانگیر ترین نے کہا کہ اگلی بار بڑا مینڈیٹ ملا تو صوبے کا مسئلہ جلد حل ہوگا، جنوبی پنجاب صوبہ خطے کی ضرورت ہے، کوئی سیاسی منظر نامہ تبدیل نہیں ہورہا۔
یہ بات انہوں نے ملتان میں نشتر اسپتال میں سرائیکی شاعر شاکر شجاع آبادی کی عیادت کے بعد میڈیا سے گفتگو کرتے ہوئے کہی۔
ان کا کہنا تھا کے جنوبی پنجاب صوبہ اس خطے کی ضرورت ہے ہمیں اگلی دفعہ مینڈیٹ ملا تو صوبے کا مسئلہ حل ہو جائے گا، جنوبی پنجاب صوبہ اس لیے پیچھے رہ گیا کے سابقہ حکومتوں نے اس خطے کی عوام کا خیال نہیں رکھا۔
ان کا کہنا تھا کہ شاکر شجاع آبادی کی وائرل ویڈیو دیکھی تو افسوس ہوا اس لیے خود ان کی عیادت کرنے آیا ہوں۔
جہانگیر ترین نے شاکر شجاع آبادی کو 5 لاکھ روپے دیے اور پچاس ہزار روپے ماہانہ دینے کا بھی اعلان کیا۔
ان کا کہنا تھا کے شاکر شجاع آبادی اس خطے کی آواز ہیں ان کا خیال رکھنا ہم سب کا فرض ہے ۔
