پنجاب میں میں کورونا ویکسینیشن کی سب سے بڑی مہم ریڈ کا آغاز

پنجاب میں میں کورونا ویکسین لگانے کی سب سے بڑی مہم ریڈ کا آغاز ہوگیا ، جس میں پنجاب کے تمام اضلاع میں شہریوں کو ان کی دہلیز پرویکسین لگائی جائےگی۔

---

پنجاب میں میں کورونا ویکسین لگانے کی سب سے بڑی مہم ریڈ کا آغاز کردیا گیا ، مہم وزیراعلیٰ پنجاب کی خصوصی ہدایت پر شروع کی گئی ہے۔

اس حوالے سے وزیراعلیٰ پنجاب عثمان بزدار نے کہا ہے کہ پنجاب کے تمام اضلاع میں شہریوں کو ان کی دہلیز پرویکسین لگائی جائےگی ،ویکسی نیشن مہم کامیاب بنانے کےلیےہدایات جاری کر دی گئی ہیں۔

عثمان بزدار کا کہنا تھا کہ ویکسی نیشن مہم کامیاب بنانے 14ہزارنئے مراکزقائم کیےگئے ہیں، 12ہزارسے زائدٹیمیں ہرمحلے اور گاؤں میں جاکرویکسی نیشن کریں گی ، اس سلسلے میں منتخب نمائندوں اورسماجی کارکنوں کومہم کامیاب بنانےکی ذمےداری سونپی گئی ہے۔

انھوں نے مزید کہا کم ویکسی نیشن والے اضلاع مہم سےہدف پورا کر سکیں گے اور کوروناکے خلاف جنگ زیادہ سےزیادہ ویکسی نیشن سےہی جیتی جاسکتی ہے۔