وزیر اعلیٰ پنجاب کا لاہور میں ایلیویٹڈ ایکسپریس وے بنانے کا اعلان

وزیر اعلیٰ پنجاب کا لاہور میں  ایلیویٹڈ ایکسپریس وے بنانے کا اعلان فائل فوٹو وزیر اعلیٰ پنجاب کا لاہور میں ایلیویٹڈ ایکسپریس وے بنانے کا اعلان

وزیر اعلیٰ پنجاب عثمان بزدار نے کہا ہے کہ مین بلیووارڈ گلبرگ سے موٹر وے ایم ٹو تک ایلیویٹڈ ایکسپریس وے بنائی جائے گی، ایکسپریس وے کینال بینک روڈ، جیل روڈ، فیروز پور روڈ، ملتان روڈ، بند روڈ سے بابو صابو تک بنے گا۔ ایک بیان میں عثمان بزدار کا کہنا ہے کہ ایلیویٹڈ ایکسپریس وے سے لاہور کی تقریباً بڑی سڑکیں منسلک ہوں گی، ایلیویٹڈ ایکسپریس وے کے ساتھ بس کے لئے گزر گاہ بھی بنائی جائے گی۔

وزیر اعلیٰ پنجاب کا مزید کہنا ہے کہ گلبرگ ایلیویٹڈ ایکسپریس وے 4 لائن یا 3 لائن دو رویہ شاہراہ بنانے پر غور جاری ہے، ایلیویٹڈ ایکسپریس وے بننے سے ٹریفک کے دباؤ میں 65 فیصد تک کمی ہوگی۔

انہوں نے کہا کہ لاہور کی ضروریات پر پوری نظر ہے، شہریوں کے مسائل حل کریں گے، لاہور میں ٹریفک کی فراہمی، نکاسی آب، ہیلتھ اور ہاؤسنگ پراجیکٹ ترجیحاً مکمل کریں گے۔

 

 
subscribe YT Channel install suchtv android app on google app store