ووٹ بیچنے والے ارکان کے خلاف وزیراعظم کی جانب سے ایکشن لیے جانے کے بعد وزیر قانون خیبر پختونخوا سلطان محمدخان نے استعفیٰ دے دیا۔
وزیراعظم کی ہدایات پر وزیراعلیٰ کے پی نےسلطان محمد خان سے استعفیٰ طلب کیا تھا۔ سلطان محمدخان کے اسمبلی کی رکنیت سے بھی مستعفیٰ ہونے کا امکان ہے۔
وزیراعظم عمران خان نے 2018 میں ووٹ بیچنے والے موجودہ وزیر قانون کے پی سلطان محمدخان کو فوری عہدے سے ہٹانے کا حکم دیا۔
وزیراعظم عمران خان کی ہدایت پر معاملےکی تحقیقات شروع کر دی گئی ہیں۔ 2018 میں ووٹ بیچنےوالوں میں کے پی کے موجودہ وزیرقانون سلطان محمدخان شامل تھے۔
سینیٹ انتخابات میں ارکان اسمبلی کو خریدنے سے متعلق تہلکہ خیز انکشافات سامنے آئے، سال 2018 کے سینیٹ انتخابات میں پی ٹی آئی ارکان کو بلاکرنوٹوں کے انبارلگا کرخریدا گیا۔
