پاکستان پیپلز پارٹی کے چیئرمین بلاول بھٹو زرداری کا کورونا وائرس ٹیسٹ مثبت آنے کے بعد صوبائی وزیر صحت تیمور خان جھگڑا نے ہدایت کی ہے کہ پی ڈی ایم جلسے کے اسٹیج پر موجود لوگ فوری طور پر اپنا ٹیسٹ کروائیں۔
تفصیلات کے مطابق صوبہ خیبر پختونخواہ کے وزیر صحت تیمور خان جھگڑا نے سماجی رابطے کی ویب سائٹ ٹویٹر پر اپنے ٹویٹ میں کہا کہ بلاول بھٹو کی جلد صحت یابی کے لیے دعاگو ہوں۔
صوبائی وزیر صحت کا کہنا تھا کہ پی ڈی ایم جلسے کے اسٹیج پر موجود لوگ اگر پختونخواہ میں موجود ہیں تو ہیلپ لائن 1700 پر کال کریں، جلسے میں شریک افراد ریپڈ رسپانس ٹیم کے ذریعے اپنا ٹیسٹ کروائیں۔
انہوں نے کہا کہ صوبائی حکومت کو سب کی صحت کا خیال ہے، تمام ٹیسٹ مفت ہیں۔
Get well soon, Bilawal sb. Best wishes.
— Taimur Khan Jhagra (@Jhagra) November 26, 2020
To everyone sitting on stage at the PDM jalsa, if in Pakhtunkhwa please call on 1700 KP Corona helpline & get yourself tested through our rapid response teams; GoKPcares about everyone's health; all tests are free of charge.
Wear a mask! https://t.co/vpi4WHrln5
خیال رہے کہ پاکستان پیپلز پارٹی کے چیئرمین بلاول بھٹو زرداری کا کوویڈ 19 کا ٹیسٹ مثبت آیا ہے، بلاول بھٹو تواتر سے پی ڈی ایم کے جلسوں میں شریک ہوتے رہے ہیں۔
بلاول نے سماجی رابطے کی ویب سائٹ ٹویٹر پر اپنے ٹویٹ میں کہا کہ انہیں معمولی علامات ہیں اور انہوں نے خود کو قرنطینہ کرلیا ہے۔
انہوں نے لکھا کہ وہ گھر سے کام جاری رکھیں گے اور پیپلز پارٹی کے یوم تاسیس پر بذریعہ ویڈیو لنک خطاب کریں گے۔
