اب حکومت کو جواب دینا ہوگا، ریحام خان کا حکومت سے بڑا مطالبہ سامنے آگیا، جانیے تفصیلات

ریحام خان فائل فوٹو ریحام خان

پشاور پولیس کی جانب سے شہری کو برہنہ کرکے تشدد کا نشانہ بنائے جانے پر جہاں سوشل میڈیا صارفین غم و غصے کا اظہارکررہے ہیں وہیں ریحام خان بھی خاموش نہ رہ سکیں۔وزیراعظم عمران خان کی سابق اہلیہ ریحام خان نے سماجی رابطے کی ویب سائٹ پر اپنی سلسلہ وار

ٹویٹس میں کے پی پولیس کو شدید تنقید کانشانہ بنایاہے۔ ریحام لکھتی ہیں کہ “سوشل میڈیا پر عامر نامی لڑکے کی چونکا دینے والی وڈیو وائرل ہوئی ہے۔ وڈیو میں دیکھا جا سکتا ہے کہ پولیس والوں کا ایک گروپ عامر کو برہنہ کر کے اس پر تشدد کر رہا ہے یہ تھانہ صوبہ خیبر پختونخواہ کا لگ رہا ہے جہاں کی پولیس کو عمران خان بار ہا مثالی کہہ چکے ہیں۔ یہ ہے مثالی پولیس؟”

اپنے ایک اور ٹویٹ میں ریحام نےسوال اٹھایا کہ “یہ پولیس والے انسان نہیں ہیں کیا ۔۔ کیسے کر لیتے ہیں۔۔۔ وہ بھی اپنے ملک کہ شہری کے ساتھ ۔۔ مطلب ضمیر کیسے اجازت دیتا ہوگا.”

ایک اور ٹویٹ میں انہوں نے خبردار کیا کہ “ہم حکام کو اختیارات کے ناجائز استعمال پر چھوڑیں گے نہیں۔ ملوث اہلکاروں کو فوری برطرف کرنا ہوگا۔ کے پی پولیس اور حکومت کو انسانیت کی تذلیل پر جوابدہ ہونا پڑے گا۔ آپ اس طرح ہماری عزت اور وقار کو پامال کر کہ بچ نہیں سکتے۔”

واضح رہے کہ پشاور پولیس نے عامر نامی ایک نوجوان کو پولیس اہلکاروں سے متعلق نازیبا کلمات کہنے پر برہنہ کرکے تشدد کا نشانہ بنایا اور پھر واقعے کی ویڈیو سوشل میڈیا پر بھی شیئر کردی جس پر لوگوں نے شدید برہمی کااظہارکیاہے۔لوگوں کے ردعمل کے بعد پولیس کے اعلیٰ حکام حرکت میں آئے اور ایس ایچ او سمیت چار اہلکاروں کو معطل کردیا۔

subscribe YT Channel install suchtv android app on google app store