مقبوضہ کشمیر میں بھارت کی ریاستی دہشت گردی کا سلسلہ نہ رک سکا

 بھارتی فورسزنے فائرنگ سے مزید 3 کشمیری شہید کردیئے فا ئل فوٹو بھارتی فورسزنے فائرنگ سے مزید 3 کشمیری شہید کردیئے

مقبوضہ کشمیر میں بھارت کی ریاستی دہشت گردی پوری بربریت کے ساتھ جاری ہے، بارہ مولا میں بھارتی فورسزکی فائرنگ سے مزید3کشمیری شہید کردیئے گئے، وادی میں انٹرنیٹ اور موبائل فون سروس بھی بند کردی گئی۔

کشمیر میڈیا سروس (کے ایم ایس) کے مطابق قابض فوج نے گزشتہ رات پلواما کا محاصرہ کر کے چادر اور چار دیواری کے تقدس کو پامال کیا، بھارتی اہلکاروں نے لوگوں کو گھروں میں محصورکردیا۔

نام نہاد سرچ آپریشن کی آڑ میں دو کشمیری نوجوانوں کو شہید کر دیا گیا۔ بھارتی فورسزنے بارہ مولا کے محاصرے کتے دوران گھرگھر تلاشی لی، توڑپھوڑ اور خواتین سے بدتمیزی بھی کی گئی۔

کشمیری میڈیا سروس کے مطابق ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے جبکہ انٹرنیٹ اور موبائل فون سروس بھی بند کردی گئی ہے۔

اس کے علاوہ بھارتی فورسز نے سرچ آپریشن میں متعدد نوجوانوں کو گرفتار کرکے شدید تشدد کا نشانہ بنایا اور انہیں نامعلوم مقامات پر منتقل کردیا گیا۔

واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں

subscribe YT Channel install suchtv android app on google app store