مقبوضہ کشمیر کے علاقے جموں میں بھارتی پولیس کی تحویل میں ایک کشمیری شہید

جموں میں بھارتی پولیس کی تحویل میں کشمیری شہید شہید کے لواحقین کا اسپتال میں شدید احتجاج اخلاق احمدکھانے پینے کی اشیاءخریدنے بازار گیا تھا، بھائی جموں شہر میں فلائی اوور کے نیچے سے بھی نامعلوم شخص کی لاش برآمد۔

مقبوضہ کشمیر میں بھارتی فورسز کی ریاستی دہشت گردی لگاتارجاری ہے۔ قابض افواج نے ظالمانہ کاروائیوں کے دوران جموں شہر میں ایک شہری کو حراست میں لے لیا تھا۔ شہر کے جینی پور پولیس اسٹیشن میں زیرحراست اخلاق احمد خان کو پولیس نے شہید کردیا۔

وکیل راجہ محمود خان ، جو مقتول کے بھائی کا دوست ہے نے میڈیا کو بتایا کہ اخلاق کچھ کھانے پینے کی اشیا خریدنے بازار گیا تھا لیکن وہ واپس نہیں آیا اور اس کا موبائل بند کردیا گیا۔ 20-25 منٹ کے بعد ، اس کے بھائی کو متوفی کے سیل فون سے فون آیا اور ایک نامعلوم شخص نے اسے بتایا کہ اسے بازار سے سیل فون ملا ہے۔ بعد میں اس کے بھائی کو بھی ایک پولیس اہلکار کا بھی فون آیا جس نے اسے اطلاع دی کہ اخلاق مردہ ہے اور اس کی لاش اسپتال میں ہے۔ خان نے کہا کہ ہمیں معلوم ہے کہ یہ ایک روایتی قتل ہے اور ہم انصاف کا مطالبہ کرتے ہیں۔ شہید کے لواحقین جموں اسپتال پہنچ گئے اور حراست میں ہونے والی موت کے خلاف احتجاج کیا۔ لواحقین نے مطالبہ کیا کہ اس سفاکانہ قتل کے مجرموں کوگرفتار کرکے مثالی سزا دی جائے۔

ادھر جموں شہر میں ایک فلائی اوور کے نیچے سے بھی ایک شخص کی لاش برآمد ہوئی ہے۔ خدشہ ظاہرکیاجارہا ہےکہ وہ بھی پولیس کے زیرحراست ہی شہید کیا گیا ہے۔