چیلنج کرتا ہوں ہمت ہے تو نریندر مودی سری نگر جاکر کشمیریوں سے خطاب کرے، وزیر خارجہ شاہ محمود

 چیلنج کرتا ہوں ہمت ہے تو نریندر مودی سری نگر جاکر کشمیریوں سے خطاب کرے، وزیر خارجہ شاہ محمود فائل فوٹو چیلنج کرتا ہوں ہمت ہے تو نریندر مودی سری نگر جاکر کشمیریوں سے خطاب کرے، وزیر خارجہ شاہ محمود

وزیر‌خارجہ شاہ محمودقریشی نے کہا مودی ہمت ہے تو کرفیو اٹھاؤ اور تماشہ دیکھو ،چیلنج کرتا ہوں کیا نریندر مودی سری نگر جاکر کشمیریوں سے خطاب کرسکتے ہو، عمران خان آزاد کشمیر کا مؤقف لیکر اقوام متحدہ جائیں گے ، انشااللہ فتح ہوگی۔

مظفرآباد میں جلسے سے خطاب کرتے ہوئے وزیر‌خارجہ شاہ محمودقریشی نے کہا آج عمران خان مظفرآباد تشریف لائے ہیں،آپ سے مخاطب ہوں‌ گے۔

وزیر‌خارجہ کا کہنا تھا کہ مظفرآباد میں کھلے آسمان تلےکشمیریوں سے پاکستان کاوزیراعظم مخاطب ہے ، چیلنج کرتا ہوں کیا نریندر مودی سری نگر جاکر کشمیریوں سے خطاب کرسکتے ہو، نریندر مودی سری نگر میں جاکر کشمیریوں سے خطاب کی جرات نہیں کرسکتا۔

شاہ محمودقریشی نے کہا مودی ہمت ہے تو کرفیو اٹھاؤ اور تماشہ دیکھو ، کشمیر کے لوگوں کیلئے جو کارنامہ سرانجام دیا اب کرفیو اٹھاکر دکھاؤ۔

ان کا کہنا تھا کہ کیا آج آزاد کشمیر میں کوئی سیاسی قیدی دکھائی دے رہا ہے نہیں، مقبوضہ کشمیر میں مسلسل کرفیو، مواصلاتی پابندیاں ہیں، آزاد کشمیر میں انٹرنیٹ چل رہا ہے، بازاروں میں رونق ہیں۔

وزیر‌خارجہ نے کہا بھارت دعویٰ کرتا ہے کہ اس کے ملک میں مذہبی آزادی ہے ، کیا دنیانے نہیں دیکھا مقبوضہ کشمیر میں محرم کا جلوس نہیں نکلا، مقبوضہ کشمیر کے لوگ مودی کےہم آہنگ ہیں تودنیا جاننا چاہتی ہے ، کیا دنیا نے نہیں دیکھا لوگ عید اور جمعہ کی نماز نہیں پڑھ سکے۔

شاہ محمودقریشی کا مزید کہنا تھا کہ عمران خان آزاد کشمیر کا مؤقف لیکر اقوام متحدہ جائیں گے ، عمران خان اقوام متحدہ میں آپ کا مؤقف پیش کریں گے، انشااللہ فتح آپ کی ہوگی۔

subscribe YT Channel install suchtv android app on google app store