وفاقی وزیر امورِ کشمیر و گلگت بلتستان علی امین گنڈا پور نے لائن آف کنٹرول پر جاکر پاک فوج کے شانہ بشانہ ہو کر انڈیا کے ساتھ لڑنے کا اعلان کردیا۔
علی امین گنڈا پور کا کہنا تھا کہ وہ کشمیریوں کی قربانیوں کو سلام پیش کرتے ہیں اور ان کے حق کیلئے کسی بھی حد تک جانے کیلئے تیار ہیں۔
انہوں نے مزید کہا کہ کشمیر کیلئے خون کا پہلا قطرہ میرا گرے گا۔ وفاقی وزیر برائے امور کشمیر نے کہا کہ پورا ملک کشمیری بھائیوں کیلئے لڑنے کو تیار ہے اور اگر ایسی صورتحال ہوئی تو لائن آف کنٹرول پر جاکر پاک فوج کے شانہ بشانہ لڑوں گا۔
