ضلع کلگام میں پیلٹ فائرنگ سے کئی افراد زخمی

بھارتی اہلکار آنسو گیس فائر کرتے ہوئے فائل فوٹو بھارتی اہلکار آنسو گیس فائر کرتے ہوئے

مقبوضہ کشمیرمیں بھارتی افواج نے احتجاج کرنے والے مظاہرین پر طاقت کا وحشیانہ استعمال کیا ہے، ضلع کلگام میں محاصرے کے خلاف احتجاج کرنے والے کئی افراد آنسو گیس اور پیلٹ فائرنگ سے شدید زخمی ہوئے۔

مقبوضہ کشمیرمیں بھارتی فورسز نے ضلع کولگام میں مظاہرین پر طاقت کا وحشیانہ استعمال کیا ہے۔

جس سے کئی افراد زخمی ہو گئے ہیں۔ تلاشی اور محاصرے کی کارروائی کے خلاف احتجاج کرنے والے مظاہرین کو منتشر کرنے کیلئے آنسو گیس اور پیلٹ فائرنگ کا بے دریغ استعمال کیا گیا ہے۔

مظاہرے کی کوریج کرنیوالا ایک فوٹو جرنلسٹ سہیل ڈار بھی زخمی ہو گیا۔

بھارتی افواج نے کریری، بارہمولہ اور کرال گنڈ میں بھی تلاشی اور محاصرے کی کارروائیاں شروع کی ہے۔

اسلام آباد اور سرینگر کے اضلاع میں گھروں پر چھاپوں کے دوران 62 سالہ عبدالرشید میر اور بشیر احمد مولوی کو بھی گرفتار کرلیا گیا ہے۔

install suchtv android app on google app store