خطے کا امن تباہ کرنے کی پالیسی پر گامزن بھارتی فوج ایل او سی پر نہتے شہریوں کو نشانہ بنانے سے بعض نہ آیا اور ایک بار پھر سویلین آبادی پر فائرنگ کرتے ہوئے ایک شہری کو شہید کردیا۔
پاک فوج کے شعبہ تعلقات عامہ آئی ایس پی آر کے مطابق بھارتی فوج نے لائن آف کنٹرول پر سیز فائر کی خلاف ورزی کرتے ہوئے ایک سویلین گاڑی پر فائرنگ کی جس کے نتیجے میں وین کا ڈرائیور شہید ہوگیا۔
آئی ایس پی آر کے مطابق بھارتی فوج نے ایل او سی کے بٹل سیکٹر میں اسکول وین کو نشانہ بنایا۔ بھارت جنیوا کنونشن اور جنگ بندی معاہدے کی مسلسل خلاف ورزی کررہا ہے۔
— Maj Gen Asif Ghafoor (@OfficialDGISPR) February 15, 2018
واضح رہے کہ بھارتی فوج ایل او سی پر مسلسل جارحیت کا مظاہرہ کرتے ہوئے بلااشتعال فائرنگ اور گولہ باری کرکے عام شہریوں کو شہید کررہی ہے۔