مقبوضہ کشمیر میں بھارتی فوج نے سال کا آغاز کشمیری نوجوانوں کی خون کی ہولی کھیل کر کیا جس میں مزید 2 نوجوان شہید ہوگئے۔
کشمیر میڈیا سروس کے مطابق جنت نظیر وادی میں بھارتی فوج کے ظلم و بربریت کا بازار گرم ہے۔ نام نہاد سرچ آپریشن کے دوران سری نگر میں مزید دو کشمیری نوجوانوں کو گولیاں مار کر شہید کردیا گیا۔
سرچ آپریشن کے دوران شالیمار کےعلاقے کے داخلی اور خارجی راستوں کو بند کردیا گیا۔ چادر اور چار دیواری کے تقدس کو پامال کیا گیا اور ایمبولینس کو بھی داخل ہونے کی اجازت نہیں دی گئی۔
قابض بھارتی فوج نے گھر گھر تلاشی کے دوران خواتین سے بدتمیزی کی اور بزرگوں کو بھی تشدد کا نشانہ بنایا۔ نوجوانوں کو شہید کرنے کے بعد لاشیں لواحقین کو دینے سے انکار کردیا۔
واضح رہے کہ گزشتہ ماہ قابض بھارتی نے 31 نوجوانوں کو شہید کیا جن میں سے 10 کو ماورائے عدالت قتل کیا گیا جب کہ 94 شہریوں کو بلاجواز گرفتار کیا گیا۔
