گلگت بلتستان الیکشن2020 کا شیڈول جاری، کاغذات نامزدگی جمع کرانے کی آخری کونسی؟ جانئے خبر میں

گلگت بلتستان الیکشن2020 کا شیڈول جاری کردیا گیا ہے فائل فوٹو گلگت بلتستان الیکشن2020 کا شیڈول جاری کردیا گیا ہے

چیف الیکشن کمشنرگلگت بلتستان نے الیکشن2020 کا شیڈول جاری کر دیا۔

چیف الیکشن کمشنرگلگت بلتستان کی جانب سے جاری نوٹیفکیشن کے مطابق 7جولائی2020 کو آر اوز کی جانب سے پبلک نوٹس جاری کیا جائے گا۔

نوٹیفکیشن میں بتایا گیا ہے کہ کاغذات نامزدگی جمع کرانے کی آخری تاریخ 16 جولائی ہوگی، نامزد امیدواروں کی فہرست17 جولائی کو آویزاں کی جائے گی۔

چیف الیکشن کمشنرگلگت بلتستان کی جانب سے جاری نوٹیفکیشن کے مطابق کاغذات نامزدگی کی جانچ پڑتال کی آخری تاریخ 23 جولائی ہوگی، آر او فیصلے کے خلاف اپیل کی آخری تاریخ 27 جولائی مقرر کر دی گئی جبکہ اپیلٹ ٹریبونل کی جانب سے فیصلے کے لیے آخری تاریخ 3 اگست ہوگی۔

نوٹیفکیشن میں کہا گیا ہے کہ کاغذات نامزدگی واپس لینے اور نظرثانی کے لیے آخری تاریخ 5 اگست ہے، امیداواروں کو انتخابی نشانات 6 اگست کو دیے جائیں گے۔

چیف الیکشن کمشنر جی بی راجہ شہباز خان کا کہنا تھا کہ گلگت بلتستان میں 18 اگست کو پول ڈے ہوگا۔

واضح رہے کہ گلگت بلتستان کی قانون ساز اسمبلی 23 جون کی رات اپنی 5 سالہ مدت مکمل کرنے کے بعد تحلیل ہوگئی تھی۔

وزیراعظم پاکستان اور گلگت بلتستان کونسل کے چیئرمین عمران خان نے میر افضل کو گلگت بلتستان کا نگراں وزیراعلیٰ مقرر کیا تھا۔

subscribe YT Channel install suchtv android app on google app store