سلیکٹڈ حکومت نے ملک کو ایسی خطرناک دلدل میں دھکیلا گیا ہے جہاں کوئی بھی محفوظ نہیں: بلاول بھٹو

ایک بیان میں بلاول بھٹو نے کہا کہ سرکاری ونجی املاک پر قبضے اور پولیس پر حملوں کی اجازت نہیں دی جاسکتی ہے۔ ملزمان کے خلاف قانون کے مطابق کارروائی کی جائے۔

بلاول بھٹو زرداری نے کہا کہ سلیکٹڈ حکومت نے ملک کو ایک دلدل میں دھکیل دیا۔ ایسی خطرناک دلدل میں دھکیلا گیا ہے جہاں کوئی بھی محفوظ نہیں۔

دوسری جانب ملک کے مختلف شہروں میں مذہبی جماعت کا احتجاج جاری ہے۔ لاہور میں دس مقامات پر دھرنا جاری ہے اور جنرل اسپتال کے باہر مظاہرین نے پولیس اہلکاروں پر تشدد کیا۔

پولیس نے راولپنڈی کے لیاقت باغ کو مظاہرین سے خالی کرا لیا ہے جبکہ اسلام آباد میں بہارہ کہو کا علاقہ بھی کلیئرکرالیا گیا ہے۔

کراچی میں تین روز سے جاری احتجاج ختم ہونے کے بعد بند سڑکیں کھل گئی ہیں۔ وزیراعلیٰ سندھ کے مطابق سندھ میں مظاہروں کے دوران پانچ افراد جاں بحق جبکہ اٹھارہ مظاہرین اور بارہ پولیس اہل کار زخمی ہوئے۔