آرمی چیف جنرل قمر جاوید کی زیر صدارت کور کمانڈرز کانفرنس میں مسلح افواج نے کورونا وبا میں سول انتظامیہ کی بھرپور مدد جاری رکھنے کے عزم کا اظہار کیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف کی زیر صدارت کور کمانڈرز کانفرنس ہوئی جس میں عالمی اور علاقائی سیکیورٹی صورت حال پر تفصیلی تبادلہ خیال کیا گیا۔
ڈی جی آئی ایس پی آر کے مطابق شرکا نے حالیہ فارمیشن مشقوں میں آپریشنل تیاریوں پر اطمینان کا اظہار کیا، پاک بھارت ڈی جی ایم اوز کے حالیہ رابطے کے بعد کی صورت حال بھی غور کیا گیا۔
ترجمان پاک فوج کا کہنا ہے کہ شرکا نے حق خود ارادیت کشمیر سے مکمل اظہار یکجہتی کا اعادہ کیا گیا، کانفرنس میں کے پی میں ضم نئے اضلاع کی سیکیورٹی صورت حال پر بھی غور کیا گیا۔
آئی ایس پی آر کا کہنا ہے کہ فورم نے قبائلی اضلاع میں سول انتظامیہ کو فعال بنانے کے عزم کا اعادہ کیا، کانفرنس کے شرکا نے افغان مفاہمتی عمل پر مثبت پیش رفت پر اطمینان کا اظہار کیا۔
ترجمان پاک فوج کے مطابق کانفرنس کے شرکا کو دوست ممالک سے فوجی رابطوں سے آگاہ کیا گیا۔
کانفرنس کے شرکا کو داخلی سیکیورٹی، کورونا کی تیسری لہر پر بریفنگ دی گئی، کورکمانڈرز نے کورونا وبا میں سویلین انتظامیہ کی بھرپور مدد جاری رکھنے کے عزم کا اظہار کیا۔
CCC chaired by #COAS held at GHQ today. The participants undertook a comprehensive review of global, regional & domestic security environment. Forum expressed confidence in operational preparedness of the Army displayed during recently held formation exercises. Forum held (1/5) pic.twitter.com/ULY1zxqGpw
— DG ISPR (@OfficialDGISPR) April 8, 2021
