حکومت تعلیم کے فروغ کے لیے بھرپور کردار ادا کرنے کے لیے پُر عزم ہے، وزیر اعظم عمران خان

 وزیر اعظم عمران خان فائل فوٹو وزیر اعظم عمران خان

وزیراعظم عمران خان کا کہنا ہے کہ حکومت تعلیم کے فروغ کے حوالے سے اپنا بھرپور کردار ادا کرنے کے لیے پُر عزم ہے ، نوجوان جدید تعلیم سےآراستہ ہوں توہی ان کی صلاحیتوں سےفائدہ اٹھایا جا سکتا ہے۔

وزیر اعظم عمران خان کی زیر صدارت نالج اکانومی کے فروغ پراجلاس ہوا ، جس میں تعلیم شفقت محمود، سیکرٹری منصوبہ بندی، تعلیم، ڈاکٹر عطا الرحمان، پروفیسر شعیب خان، پروفیسر ناصر خان اوراعلیٰ افسران شریک ہوئے۔

اجلاس میں نالج اکانومی کے فروغ کے حوالے سے مختلف منصوبوں کی پیش رفت کا جائزہ لیا گیا ، شفقت محمود نےتعلیم کےمختلف منصوبوں اور اقدامات میں پیش رفت سےآگاہ کیا جبکہ ڈاکٹرعطا الرحمان کی جانب سے مصنوعی ذہانت ، بائیو ٹیک و دیگر جدید علوم پرتجاویز پیش کی گئی۔

جس میں وزیراعظم نے کہا کہ ملک کا مستقبل تعلیم کے فروغ سے وابستہ ہے، ملک کی آبادی کا بڑا حصہ نوجوانوں پر مشتمل ہے، نوجوان جدید تعلیم سےآراستہ ہوں توہی ان کی صلاحیتوں سےفائدہ اٹھایا جا سکتا ہے۔

عمران خان کا کہنا تھا کہ تعلیم کا فروغ موجودہ حکومت کی اولین ترجیح ہے، حکومت تعلیم کے فروغ کے حوالے سےاپنابھرپور کردار ادا کرنے کے لیےپر عزم ہے ، تعلیمی اصلاحات کا مقصد نہ صرف تعلیم کا فروغ بلکہ طلبا میں اعلیٰ اقدار کواجاگر کرنا ہے، نصاب میں سیرت النبیﷺکامضمون شامل کرنےکااسلامی شعار سے روشناسی ہے۔

وزیر اعظم نے فنی تعلیم اور اسکل ڈویلپمنٹ کی اہمیت پر زور دیتے ہوئے کہا فنی تربیت کو مارکیٹ کی ضروریات کے مطابق یقینی بنایا جائے اور تعلیمی اداروں اور مارکیٹ میں تعلق کو مضبوط کرنے پر خصوصی توجہ دی جائے۔

subscribe YT Channel install suchtv android app on google app store