سپہ سالار پاک فوج جنرل قمرجاوید باجوہ کا کہنا ہے کہ پاک فوج قومی اداروں کی مدد سے تمام چیلنجز سےنمٹنےکیلئے تیار ہے۔
آرمی چیف کی زیر صدارت جی ایچ کیو میں 237ویں کور کمانڈرز کانفرنس کا انعقاد کیا گیا، جس میں خطے کی سیکیورٹی صورت حال سمیت قومی سلامتی کے معاملات اور بارڈرز کی صورتحال خصوصی طور پر مقبوضہ کشمیر میں بھارتی مظالم کا بھی تفصیل سے جائزہ لیا گیا۔
ڈی جی آئی ایس پی آر کے مطابق کور کمانڈرز کانفرنس میں افغان امن عمل میں مثبت پیش رفت پر بھی غور کیا گیا، اجلاس کے شرکا نے پاکستان کو غیر مستحکم کرنے کیلئے بھارتی ریاستی دہشتگردی پر تشویش کا اظہار کیا اس کے علاوہ سی پیک سبوتاژ کرنے کیلئے بھارت کی دہشتگردوں کو مالی امداد، ٹریننگ کیمپس پر بھی تشویش کا اظہار کیا۔
...Forum showed serious concern in the wake of irrefutable evidence of Indian state sponsored terrorism & efforts to destabilize Pakistan. Indian efforts to sabotage CPEC, involvement in financing and training of terrorist organizations for fomenting unrest in (2/6)
— DG ISPR (@OfficialDGISPR) November 24, 2020
ڈی جی آئی ایس پی آر کے مطابق شرکا سے خطاب میں آرمی چیف نے کہا کہ پاک فوج قومی اداروں کی مدد سے تمام چیلنجز سے نمٹنے کیلئےتیار ہے، ہم ان چیلنجرز کو امن واستحکام کا موقع بنائیں گے، کانفرنس کےشرکا کی جانب سے بھی مادر وطن کے دفاع کویقینی بنانےکیلئےعزم کااعادہ کیا گیا۔
...Forum showed serious concern in the wake of irrefutable evidence of Indian state sponsored terrorism & efforts to destabilize Pakistan. Indian efforts to sabotage CPEC, involvement in financing and training of terrorist organizations for fomenting unrest in (2/6)
— DG ISPR (@OfficialDGISPR) November 24, 2020
بعد ازاں کور کمانڈر کانفرنس کا اعلامیہ جاری کیا گیا، اعلامیے کے مطابق اجلاس میں سی پیک کیخلاف بھارتی سازشوں، دہشتگردوں کی مالی معاونت کے ثبوتوں کا جائزہ لیا گیا۔
اعلامیے میں کہا گیا کہ بھارت پاکستان، بالخصوص آزاد کشمیر میں دہشتگردوں کی مالی معاونت کر رہا ہے، بھارت کی بلوچستان، گلگت بلتستان میں بھی دہشتگردوں کی مالی معاونت خطےکے امن کیلئے دھچکہ ہے، بھارتی دہشتگردی کےناقابل تردید ثبوت موجود ہیں۔
ڈی جی آئی ایس پی آر کے مطابق جاری اعلامیے میں اس عزم کا اظہار کیا گیا کہ بھارتی فائرنگ سے پاکستانی شہریوں کومحفوظ بنایا جائے گا، اس کے علاوہ کسی بھی جارحیت سے ملک کو محفوظ رکھا جائے گا، آرمی چیف نے کور کمانڈرز کو وبا پر قابو پانے کیلئےقومی کوششوں میں ہاتھ بٹانےکی ہدایت کرتے ہوئے کہا کہ پاکستان اور پاکستانیوں کے لیے امن کا قیام ہمارا فرض ہے۔
