بھارت گلگت بلتستان اور آزاد کشمیر میں ناپاک عزائم رکھتا ہے, وزیر خارجہ شاہ محمود قریشی

وزیر خارجہ شاہ محمود قریشی فائل فوٹو وزیر خارجہ شاہ محمود قریشی

وزیر خارجہ شاہ محمود قریشی کا کہنا ہے کہ بھارت غلط فہمی میں نہ رہے ہم بھرپور مقابلہ کریں گے، بھارتی عزائم سے دنیا کو آگاہ کررہے ہیں۔

وزیر خارجہ شاہ محمود قریشی کا کہنا ہے کہ بھارت کے خلاف ناقابل تردید شواہد دنیا کے سامنے رکھے ہیں، بھارت اقوام متحدہ کے چارٹر کی خلاف ورزی کررہا ہے۔

انہوں نے کہا کہ بھارت افغان امن عمل کو نقصان پہنچا رہا ہے، اہم ممالک کے سفیروں سے تمام معلومات شیئر کریں گے، او آئی سی کے پلیٹ فارم پر بھی معلومات شیئر کی جائیں گی۔

وزیر خارجہ نے کہا کہ بھارت دہشت گردی کی سرپرستی کررہا ہے، بھارت گلگت بلتستان اور آزاد کشمیر میں ناپاک عزائم رکھتا ہے، بھارت افغان سرزمین پاکستان کے خلاف استعمال کررہا ہے۔

شاہ محمود قریشی نے بتایا کہ بھارت کے دہشت گردی کی سرپرستی کے ثبوت آج پیش کیے ہیں، اہم ممالک کو بھی یہ ثبوت دئیے جائیں گے۔

انہوں نے کہا کہ بھارت کے عزائم بروقت بے نقاب کرنے میں کامیاب ہوئے، ہم پوری طرح بھارت کا مقابلہ کرنے کے لیے تیار ہیں۔

install suchtv android app on google app store