اے پی سے متعلق اہم خبر، جماعت اسلامی کا شرکت نہ کرنے کا اعلان

 امیر جماعت اسلامی پاکستان سینیٹر سراج الحق فائل فوٹو امیر جماعت اسلامی پاکستان سینیٹر سراج الحق

 امیر جماعت اسلامی پاکستان سینیٹر سراج الحق نے اپوزیشن کی آل پارٹیز کانفرنس میں شرکت نہ کرنے کا اعلان کردیا۔ 

لاہور میں سیمینار سے خطاب کرتے ہوئے سینیٹر سراج الحق نے اعلان کیا کہ جماعت اسلامی اے پی سی میں شرکت نہیں کرے گی، 72 سالوں سے ملک کو لوٹنے اور مقروض بنانے والی پارٹیوں کے ساتھ نہیں بیٹھیں گے۔

امیر جماعت اسلامی نے کہا کہ جو پارٹیاں اے پی سی کررہی ہیں ان کا ایجنڈہ واضح نہیں ہے، یہ لوگ حکومت میں ہوتے ہیں تو بھی مزے کرتے ہیں اور اپوزیشن میں ہوتے ہیں تو بھی ان کے وارے نہارے ہوتے ہیں۔

ان کا کہنا تھا کہ اے پی سی میں شرکت کی دعوت ملی اور نہ ہی جائیں گے، جماعت اسلامی ان لوگوں کی تحریک کا حصہ نہیں بننا چاہتی جنہوں نے ملک کا تباہ کیا۔

دوسری جانب جے یو آئی (ف) نے پاکستان پیپلز پارٹی کی آل پارٹیز کانفرنس میں شرکت کا اعلان کر دیا ہے۔مولانا فضل الرحمان کی قیادت میں جے یو آئی وفد 20 ستمبر کو اے پی سی میں شریک ہوگا۔

install suchtv android app on google app store