وزیرِ اعظم نے اعلیٰ سطحی نیشنل کوارڈینیشن کمیٹی برائے سیاحت تشکیل دے دی

وزیر اعظم عمران خان فائل فوٹو وزیر اعظم عمران خان

وزیر اعظم عمران خان نے اعلیٰ سطح کی نیشنل کوآرڈینیشن کمیٹی سیاحت تشکیل دے دی۔

میڈیا رپورٹس کے مطابق معاون خصوصی برائے اوورسیز پاکستانی زلفی بخاری کو کمیٹی کا کنوینئر مقرر کیا گیا ہے جبکہ وزارت صنعت و پیداوار، وزارت داخلہ، وزارت دفاع اور وزارت مواصلات کے سیکرٹری کمیٹی کا حصہ ہوں گے۔

وزارت ہوا بازی، وزارت مذہبی امور اور وزارت ماحولیاتی تبدیلی کے سیکرٹریز کو بھی کمیٹی میں شامل کیا گیا ہے۔ چیف سیکرٹری یا ایڈیشنل چیف سیکرٹری، چیئرمین متروکہ املاک بورڈ، ڈپٹی گورنر اسٹیٹ بینک، منیجنگ ڈائریکٹر پاکستان ٹورازم ڈویلپمنٹ کارپوریشن بھی کمیٹی کا حصہ ہوں گے۔

کنویئر سرکاری یا نجی شعبے سے کسی بھی فرد کو کمیٹی میں شامل کرنے کا مجاز ہو گا جبکہ کمیٹی نیشنل ٹورازم سٹریٹیجی پر عمل درآمد کا جائزہ لے گی۔ کمیٹی صوبائی و علاقائی سطح پر مختلف اقدامات کو ایکشن پلان سے ہم آہنگ کرے گی، اس کے علاوہ کمیٹی ملکی سیاحتی مقامات کی جیو میپنگ، سیاحتی سہولیات، پراڈکٹس اور سروسز کا جائزہ لے گی۔

کمیٹی سیاحت کے فروغ میں حائل رکاوٹوں کو دور کرنے کےلئے ٹھوس سفارشات مرتب کرے گی اور موزوں ماحول فراہم کرنے کی ہدایات جاری کرنے کی مجاز ہو گی۔

install suchtv android app on google app store