معاون خصوصی برائے اوورسیز زلفی بخاری کا کہنا ہے کہ وزیراعظم نے طیارہ حادثے کی تحقیقات عوام تک پہنچا کر گورننس کی مثال قائم کردی، جان گنوانے والوں کے پیارے شفاف اور غیرجانبدار تحقیقات کے حقدار ہیں۔
معاون خصوصی برائے اوورسیز زلفی بخاری نے سماجی رابطے کی ویب سائٹ ٹوئٹر پر اپنے بیان میں کہا وزیراعظم نے طیارہ حادثے کی تحقیقات پبلک کرنے کی ہدایت کی ہے، تحقیقات عوام تک پہنچا کر گورننس کی غیرمعمولی مثال قائم کی جارہی ہے، کوئی بھی قیمتی جانوں کا نقصان پورا نہیں کرسکتا ، جان گنوانے والوں کے پیارے شفاف، غیرجانبدار تحقیقات کے حقدار ہیں۔
PM @ImranKhanPTI setting unprecedented example in governance by ensuring all findings of PIA #planecrash to be made public.
— Sayed Z Bukhari (@sayedzbukhari) May 29, 2020
Nothing can bring back precious lives lost, the least their loved ones deserve is all possible facilitation & a transparent & impartial open investigation
گذشتہ روز وزیراعظم عمران خان نے پی آئی اے طیارہ حادثے کی انکوائری رپورٹ سے عوام کو باخبر رکھنے کا حکم دیتے ہوئے متاثرین کو یقین دلایا تھا کہ انصاف کے تقاضے پورے کئےجائیں گے۔
عمران خان نے ہدایت کی تھی حادثے کی شفاف اور غیرجانبدار انکوائری میں کوئی کسر اٹھا نہ رکھی جائے اور واقعے سے جڑے حقائق کو ہر صورت منظر عام پر لائیں۔
وزیراعظم نے سول ایوی ایشن میں بڑے پیمانے پراصلاحات کا بھی عندیہ دیتے ہوئے کہا سی اےاے، پی آئی اے اور متعلقہ اداروں میں اصلاحات کا عمل تیز کیا جائے۔