وزیر اعظم کے معاون خصوصی شہباز گل نے کہا ہے کہ دنیا کو آہستہ آہستہ لاک ڈاؤن کے منفی اثرات کی سمجھ آرہی ہے، وزیراعظم عمران خان بہت عرصہ قبل یہ بات سمجھانا شروع کردی تھی۔
تفصیلات کے مطابق وزیر اعظم عمران خان کے معاون خصوصی برائے سیاسی روابط ڈاکٹر شہباز گل نے ان خیالات کا اظہار سماجی رابطے کی ویب سائٹ ٹویٹر پر کیا، انہوں نے کہا کہ نام نہاد لیڈروں کو قوم سے معافی مانگنی چاہیے جو کرونا وائرس پر سیاست چمکا رہے تھے۔
ڈاکٹر شہباز گل کا کہنا تھا کہ نام نہاد لیڈرز صرف لاک ڈاؤن کو آخری حل قرار دے رہے تھے، انہوں نے اپنے ٹویٹ میں کہا کہ ان کا حال یہ ہے کہ رنگے ہاتھوں پکڑے جانے پر شرمندہ بھی نہیں ہوتے۔
ان کا کہنا تھا کہ نوازشریف نے سپریم کورٹ سے بد دیانت ہونے کی سند حاصل کی، سند حاصل کرنے کے بعد اپنے جیسے کئی چھوٹے چھوٹے نواز شریف قوم کو دے گئے۔
وزیر اعظم کے معاون خصوصی نے مشورہ دیا کہ کوشش تو کریں ایک دن مکمل ایسا گزار نے کی جس میں جھوٹ نہ بولیں۔
انہوں نے اپنی سیاسی حریف مسلم لیگ نواز کو تنقید کا نشانہ بناتے ہوئے کہا کہ ن لیگ کے سی کیٹگری کے لوگ خان کی 2017 کی تصاویر لگا کر جھوٹ پھیلا رہے ہیں، ایسے جھوٹے لوگ ہیں کہ عید کہ دوسرے دن بھی جھوٹ بولے بغیر نہیں گزار سکتے۔
معاون خصوصی برائے سیاسی رابط شہباز گل کا اپنے ٹویٹ میں مزید کہنا تھا کہ اب تو ان کی قسمت اور حالت پر بھی ترس آتا ہے۔
نواز شریف صاحب سپریم کورٹ سے جھوٹے اور بددیانت ہونے کی سند حاصل کرنے کے بعد اپنے جیسے کئ چھوٹے چھوٹے نواز شریف قوم کو دے گئے اور لیول ہےانکا کہ رنگے ہاتھوں پکڑے جانے پر شرمندہ بھی نہیں ہوتے
— Dr. Shahbaz GiLL (@SHABAZGIL) May 25, 2020
کوشش تو کریں ایک دن مکمل ایسا گزارنے کی جس میں جھوٹ نہ بولیں!
ٹرائی کرنے میں کیا ہرج ہے؟
