وزیراعظم کا قانون سازی امور سے متعلق بڑا فیصلہ

وزیراعظم عمران خان نے قانون سازی کے امور نمٹانے کے لیے کابینہ کی کمیٹی تشکیل دے دی۔ کمیٹی کے سربراہ وزیر قانون بیرسٹر فروغ نسیم ہونگے۔
کمیٹی میں وزیر پارلیمانی امور اعظم سواتی، شہزاداکبر، اٹارنی جنرل انور منصور، سیکرٹری کابینہ، سیکرٹری قانون،جوائینٹ سیکرٹری وزیر اعظم آفس شامل ہیں۔ وزیراعظم کی منظوری کے بعد نوٹی فکیشن بھی جاری کردیا گیا ہے۔
اس حوالے سے جاری اعلانیہ کے مطابق سیکرٹری کابینہ ڈویژن کمیٹی کے سیکرٹری کے طور پر امور سنبھالیں گے۔ کمیٹی قانون سازی اور موجودہ قوانین میں ترامیم کا جائزہ لے گی اور اپنی سفارشات پارلیمنٹ یا کابینہ کو دے گی۔