ترک صدر رجب طیب اردگان نے پاکستان کو بڑی خوشخبری دے دی۔
ترکی سے تعلق رکھنے والی کارکے کمپنی کے ساتھ حکومت پاکستان کے معاملات طے پاگئے ہیں۔
وزیر اعظم عمران خان نے ٹوئٹر پر مختصر پیغام میں بتایا کہ پاکستان تحریک انصاف کی حکومت نے صدر رجب طیب اردگان کی مدد کے ساتھ دوستانہ انداز میں کار کا مسئلہ سلجھا لیا ہے۔ اس تصفیے کے باعث پاکستان کی اس 1 اعشاریہ 2 ارب ڈالر کے جرمانے سے خلاصی ہوئی ہے جو انٹرنیشنل سنٹر فار سیٹلمنٹ آف انویسٹمنٹ ڈسپیوٹ (آئی سی ایس آئی ڈی) نے عائد کیا تھا۔
خیال رہے کہ پیپلز پارٹی دور میں کارکے کمپنی نے پاکستان کو بجلی پیدا کرنے والے بحری جہاز فراہم کیے تھے ، اس منصوبے کو سابق چیف جسٹس افتخار محمد چوہدری نے رکوادیا تھا جس کے خلاف کمپنی نے آئی سی ایس آئی ڈی سے رجوع کیا تھا جہاں سے پاکستان کو ایک اعشاریہ 2 ارب ڈالر کا جرمانہ عائد کیا گیا تھا۔
صدر اردگان کی مدد سے پاکستان تحریک انصاف کی حکومت نے کارکے تنازعہ کامیابی سے حل کرلیا ہے اور آئی سی ایس آئی ڈی کی جانب سے پاکستان پر عائد کئے گئے 1.2ارب ڈالرز جرمانے کی رقم بچا لی ہے۔ اس شاندار کامیابی پر میں حکومت کی مذاکراتی ٹیم کو دلی مبارکباد پیش کرتا ہوں۔
— Imran Khan (@ImranKhanPTI) November 4, 2019