جلدی ٹکٹس بکُ کرائیں، پی آئی اے کے کرایوں میں خاطر خواہ کمی

پاکستان انٹر نیشنل ائیر لائنز فائل فوٹو پاکستان انٹر نیشنل ائیر لائنز

پاکستان انٹر نیشنل ائیر لائنز نے یورپ سے آنے اور جانے والی پروازوں کے کرایوں میں کمی کا اعلان کردیا۔

ترجمان کے مطابق بارسلونا، اوسلو، کوپن ہیگن، پیرس اور میلان سے اسلام آباد آنے والی پروازوں پر رعایت ہو گی۔ تمام پروازوں پر 15فیصد رعایت کا اعلان کیا گیا ہے جس کا اطلاق 30نومبر تک رہے گا جبکہ پی آئی اے نے ملک بھر سے مختلف ممالک کے لئے براہ راست پروازیں چلانے کا فیصلہ کیا ہے۔ پی آئی اے حکام نے آئندہ ماہ14اکتوبر سے اسلام آباد سے ملائیشیا، کوالالمپور کےلئے براہ راست پروازیں چلانے کا فیصلہ کیا ہے۔

دامام اور مدینہ شریف کےلئے پشاور سے براہ راست پروازیں چلائی جائیں گی اسی طرح15 نومبر سے کویت کےلئے سیالکوٹ سے براہ راست پروازیں چلائی جائیں گی۔ براہ راست پروازیں چلانے سے قومی ائیر لائن کے ریونیو میں خاطرخواہ اضافہ ہوگا اور مسافروں کو ان سیکٹر پر سفری سہولتیں بھی میسر ہو ںگی۔

 

install suchtv android app on google app store