نوازشریف کس نوعیت کے قیدی ہیں، پلی بارگین کس سے ہو سکتی ہے؟ وزیر داخلہ نے سب بتا دیا

نوازشریف کس کے قیدی ہیں، پلی بارگین کس سے ہو سکتی ہے؟ وزیر داخلہ نے سب بتا دیا فائل فوٹو نوازشریف کس کے قیدی ہیں، پلی بارگین کس سے ہو سکتی ہے؟ وزیر داخلہ نے سب بتا دیا

وزیرداخلہ اعجاز شاہ نے کہا ہے کہ نوازشریف نیب کے قیدی ہیں پلی بارگین بھی ان ہی سے ہوگی، میرا یا حکومت کا اس سے کوئی تعلق نہیں ہے، اب کشمیر کا کوئی سودا نہیں کرسکتا۔

ان خیالات کا اظہار انہوں نے سرگودھا میں میڈیا سے گفتگو کرتے ہوئے کیا، انہوں نے کہا کہ حکومت نواز شریف یا آصف زرداری سے کسی قسم کی کوئی ڈیل نہیں کر رہی۔

پلی بارگین نیب کے قوانین میں شامل ہے اور وہ ہی کسی بھی قسم کی ڈیل کر سکتے ہیں۔نوازشریف نیب کے قیدی ہیں پلی بارگین بھی ان ہی سے ہوگی، ہماری حکومت کا اس سے کوئی تعلق نہیں۔

کشمیر سے متعلق ایک سوال کے جواب میں ان کا کہنا تھا کہ مسئلہ کشمیر کو موجودہ حکومت نے سفارتی سطح پر تاریخی طور پر اٹھایا، جتنا وزیر اعظم عمران خان نے مسئلہ کشمیر کے لیے کام کیا اتنا آج تک کسی رہنما نے نہیں کیا، اگرہم اپنا فیصلہ بدل لیتے تو ہم میں اور مودی میں کوئی فرق نہیں رہ جاتا۔

اعجاز شاہ کا مزید کہنا تھا کہ کشمیر میں کرفیو ختم ہونے پر ہی نریندر مودی کا اصل امتحان شروع ہوگا، جموں اور لداخ میں مسلم آبادی کم ہے وہاں لاک ڈاؤن اتنا سخت نہیں۔

وفاقی وزیر داخلہ نے کہا کہ کشمیر کا سودا جو کرسکتے تھے اللہ نے انہیں جیل بھیج دیا ہے، حکومت اور قوم کشمیریوں کے ساتھ کھڑی ہے، اب کشمیر کا کوئی سودا نہیں کرسکتا،

install suchtv android app on google app store