اسلام آباد ایئر پورٹ پر ہوائی فائرنگ: طیارے کی ہنگامی لینڈنگ، ملزمان گرفتار

کوئٹہ سے اسلام آباد آنے والی پرواز پی آئی اے کی پرواز حادثے سے بال بال بچ گئی فائل فوٹو کوئٹہ سے اسلام آباد آنے والی پرواز پی آئی اے کی پرواز حادثے سے بال بال بچ گئی

کوئٹہ سے اسلام آباد آنے والی پرواز حادثے سے بال بال بچ گئی، طیارہ اسلام آباد ایئرپورٹ پرلینڈنگ کے قریب تھا تو ہوائی فائرنگ شروع ہوگئی، پولیس نے ہوائی فائرنگ کرنے والے افراد کو گرفتار کرلیا۔

کوئٹہ سے اسلام آباد آنے والی پرواز کے طیارے پر مبینہ فائرنگ کا واقعہ پیش آیا ہے، اس حوالے سے ذرائع کا کہنا ہے کہ پی آئی اے کی پرواز پی کے352 پر فائرنگ کا واقعہ اسلام آباد ائیر پورٹ لینڈنگ کے وقت ہوا۔

واقعہ رات دس بجے پیش آیا، مذکورہ طیارہ فائرنگ رینج سے باہر ہونے کے باعث محفوظ رہا، کنٹرول ٹاور کی اطلاع دیئے جانے کے بعد پرواز کو دوسرے رن وے پر لینڈ کروایا گیا۔

مسافر اور طیارے کی باحفاظت لینڈنگ کے فوری بعد معاملے کی تحقیقات کا آغاز کردیا گیا، ذرائع کے مطابق ابتدائی تحقیقات میں معلوم ہوا کہ ایئرپورٹ کے قریب ایک شادی کی تقریب میں ہوائی فائرنگ ہوئی۔

پولیس نے فوری ایکشن لیتے ہوئے ہوائی فائرنگ کرنے والے افراد کو گرفتار کرکے مقدمہ درج کرلیا۔

subscribe YT Channel install suchtv android app on google app store