وزیراعظم عمران آج میانوالی ایکسپریس کا افتتاح کریں گے

  • اپ ڈیٹ:
وزیراعظم عمران خان آج میانوالی ایکسپریس کا افتتاح کریں گے فائل فوٹو وزیراعظم عمران خان آج میانوالی ایکسپریس کا افتتاح کریں گے

وزیراعظم عمران خان آج لاہور اور ماڑی انڈس کے درمیان چلنے والی میانوالی ایکسپریس کا افتتاح کریں گے۔

تفصیلات کے مطابق وزیراعظم عمران خان آج میانوالی میں لاہور اور ماڑی انڈس کے درمیان چلنے والی میانوالی ایکسپریس کا افتتاح کریں گے۔

میانوالی ایکسپریس میں 5 بوگیاں اکانومی کلاس، ایک اے سی اسٹینڈرڈ اور ایک بوگی پاور پلانٹ پر مشتمل ہوگی، شاہدرہ، قلعہ شیخوپورہ، سانگلہ ہل اور چنیوٹ میانوالی ایکسپریس کے اسٹاپ ہوں گے۔ میانوالی ایکسپریس سرگودھا، خوشاب، کندیاں، میانوالی اور داؤد خیل پر بھی اسٹاپ کرے گی۔

ریلوے حکام کے مطابق ماڑی انڈس سے بھی میانوالی ایکسپریس رات 9 بجے روانہ ہوکر اگلے روز صبح 6 بجے لاہور پہنچا کرے گی۔

میانوالی ایکسپریس میں لاہور سے سرگودھا تک اکانومی کلاس کا کرایہ 250 اور اے سی اسٹینڈرڈ کا کرایہ 650 روپے رکھا گیا ہے لاہور سے میانوالی کا اکانومی کلاس کا کرایہ 350 روپے، اے سی اسٹینڈرڈ کا کرایہ 800 روپے ہوگا۔

ریلوے حکام کا کہنا ہے کہ لاہور سے ماڑی انڈس کا اکانومی کلاس کا کرایہ 400 روپے، اے سی اسٹینڈرڈ کا کرایہ 1000 روپے ہوگا۔

install suchtv android app on google app store