وفاقی وزیر تعلیم شفقت محمود کہتے ہیں حکومت ماحولیاتی آلودگی کے خاتمے کے لیے زیادہ سے زیادہ درخت لگا رہی ہے وزیر اعظم عمران خان ماحول سے پیار کرتے ہیں جنگلات کا بچاو بہت ضروری ہے۔
اسلام آباد کے مقامی ہوٹل میں کلین اینڈ گرین پاکستان اور نوجوانوں کا کردار کے عنوان سے منعقدہ تقریب میں مختلف شعبہ ہائے زندگی سے تعلق رکھنے والے افراد نے شرکت کی۔
اس موقع پر مقررین کا کہنا تھا کہ پاکستان کو صاف ستھرا رکھنا ہم سب کی ذمہ داری ہے ہم جتنے زیادہ درخت لگائیں گے ماحول اتنا ہی اچھا ہو گا۔
شرکا کا کہنا تھا کہ ہمیں سرسبز و شاداب پاکستان کے لیے حکومت کے کلین اینڈ گرین پروگرام میں بھرپور حصہ لینا چاہیے اور اپنے اپنے حصہ کا پودا لگانا چاہیے پاکستان ہمارا ملک ہے، خوشحال پاکستان ہی ہماری آئندہ نسلوں کے روشن مستقبل کا ضامن ہے۔
