مریم نواز نے ملک بھر میں احتجاجی ریلیاں نکالنے کا اعلان کردیا

مسلم لیگ (ن) کی نائب صدر مریم نواز فائل فوٹو مسلم لیگ (ن) کی نائب صدر مریم نواز

مسلم لیگ (ن) کی نائب صدر مریم نواز نے ملک بھر میں احتجاجی ریلیاں نکالنے کا اعلان کردیا۔

سماجی رابطے کی ویب سائٹ ٹوئٹر پر جاری پیغام میں مریم نواز نے کہا کہ احتجاجی ریلیوں میں نواز شریف کیلئے انصاف، قانون کی حکمرانی مانگوں گی۔ آزادی اظہاررائے، منتخب لوگوں کو سزائیں دینے کیلئے سسٹم کے غلط استعمال روکنے کا مطالبہ کروں گی۔ قوم کا مینڈیٹ چرانے، سلیکٹڈ کو لگائے جانے کے خلاف آواز اٹھاؤں گی۔

انہوں نے کہا کہ جو آزاد، جمہوری اور انصاف پر مبنی پاکستان میں رہنا چاہتا ہو وہ میرا ساتھ دے۔ یہ وطن امانت ہے اور تم امیں لوگو، جج واپس بھیج دیا گیا مگر نواز شریف بے گناہ ہونے کے باوجود آج بھی قید ہے۔ واہ رے انصاف۔۔۔ شیر آئے گا اور ضرور آئے گا انشاءاللہ، لوگوں انصاف کیلئے آواز اٹھاؤ۔

 

subscribe YT Channel install suchtv android app on google app store