وفاقی وزیر علی زیدی نے کہاہے کہ بے نامی پراپرٹیز ضبط کی جائیں گی ، سابق دورحکومت میں ملکی خزانے کوبے دردی سے لوٹا گیا ، ملک کا پیسہ منی لانڈرنگ کے ذریعے باہر جاتا رہا ۔
اسلام آباد میں معاون خصوصی برائے احتساب کے ساتھ مشترکہ پریس کانفرنس کرتے ہوئے علی زیدی نے کہاہے کہ ایک مافیاہے جس نے بے نامی پیسہ رکھا ہوا ہے ، مشکل حالات کی بڑ ی وجہ ملک کے پیسے کا لوٹا جاناہے ۔ ان کا کہنا تھا کہ ایک صاحب نے 16پراپرٹیز پلی بارگین میں نیب کودی ہیں ، زلزلے کی امدادی رقم سے جائیدادیں خریدی گئیں۔
علی زیدی نے کہا کہ بے نامی جائیداد کوضبط کیا جائے گا،آصف زرداری ،نوازشریف اورشہبازشریف نے ملکرملک کولوٹا۔
