وزیر ریلوے شیخ رشید نے دعویٰ کیا ہے کہ پنجاب سے 37 لیگی ارکان اسمبلی فاروڈ بلاک کیلئے تیار ہیں،اعلان جلد ہوگا، سیاست میں نوے دن اہم ہیں اور چیئرمین سینیٹ کے رہنے نہ رہنے سے فرق نہیں پڑے گا۔
وفاقی وزیر ریلوے شیخ رشید نے نیا پنڈورہ باکس کھول دیا، کہتے ہیں کہ چیئرمین سینیٹ کے رہنے نہ رہنے سے کوئی فرق نہیں پڑے گا، ملکی سیاست میں نوے روز بہت اہم ہیں، ن لیگ کے سینتیس صوبائی ارکان تیار ہیں مگر قومی اسمبلی کے اتنے نہیں مل رہے، پنجاب اسمبلی میں فارورڈ بلاک کیلئے سات ارکان کم ہیں۔
شیخ رشید نے مزید کہا کہ چور سیاستدانوں نے ہتھیار نہ ڈالے تو جمہوریت کو نقصان ہوگا، میرے جیسے سیاستدانوں کے آپریشن جیل میں ہی ہو جاتے ہیں، مجھ سمیت سیاستدانوں کی بیماریاں ایسی ہیں جو جیل جا کرجاگ جاتی ہیں، میری اگلی نیوز کانفرنس سے پہلے اسحاق ڈار کو وطن واپس لایا جاسکتا ہے۔
