دھواں دار پریس کانفرنس کرنے کے بعد مسلم لیگ ن کی نائب صدر مریم نواز نے واضح کیا ہے کہ ان کا شہباز شریف کے ساتھ کوئی اختلاف نہیں ہے۔
انہوں نے یہ وضاحت اینکر پرسن غریدہ فاروقی کے ایک ٹویٹ کے جواب میں کی ہے۔ غریدہ فاروقی نے ایک ٹویٹ میں کہا تھا کہ مریم نواز اور شہباز شریف کے اختلافات کھل کر سامنے آگئے، انہوں نے لکھا ’مریم نواز نے شہباز شریف کے تجویز کردہ میثاقِ معیشت کو مذاقِ معیشت قرار دے دیا !
مریم نواز نے شہباز شریف کے تجویز کردہ میثاقِ معیشت کو مذاقِ معیشت قرار دے دیا ! مریم نواز اور شہباز شریف کے اختلافات کھل کر سامنے آ گئے۔ یہ اختلاف مریم نے پارٹی میٹنگ میں نہیں، پبلک پریس کانفرنس میں کیا۔
— Gharidah Farooqi (@GFarooqi) June 22, 2019
آج کی پریس کانفرنس سے شہباز شریف کی عدم موجودگی بھی بہت کچھ کہہ رہی ہے!
مریم نواز اور شہباز شریف کے اختلافات کھل کر سامنے آ گئے۔ یہ اختلاف مریم نے پارٹی میٹنگ میں نہیں، پبلک پریس کانفرنس میں کیا۔ آج کی پریس کانفرنس سے شہباز شریف کی عدم موجودگی بھی بہت کچھ کہہ رہی ہے!۔
غریدہ فاروقی کے اس ٹویٹ کا جواب دیتے ہوئے مسلم لیگ ن کی نائب صدر مریم نواز نے کہا کہ ایسے نہیں کرتے دوست! میرا اور شہباز شریف صاحب کا نہ کوئی اختلاف ہے نہ ہی انشاءاللہ مخالفین کی یہ خواہش کبھی پوری ہو گی۔ میں نے واضح کر دیا ہے کہ یہ میری ذاتی رائے ہے۔ اس کو اختلاف بنا کے پیش کرنے والوں کو مایوسی ہو گی۔ یاد رہے کے یہ کوشش30 سال سے جاری ہیں۔
خیال رہے کہ ہفتہ کے روز کی جانے والی پریس کانفرنس میں مریم نواز نے شہباز شریف کی جانب سے حکومت کے ساتھ میثاقِ معیشت کی تجویز کو مذاقِ معیشت قرار دیا تھا۔
ایسے نہیں کرتے دوست! میرا اور شہباز شریف صاحب کا نہ کوئی اختلاف ہے نہ ہی انشاءاللہ مخالفین کی یہ خواہش کبھی پوری ہو گی۔ میں نے واضح کر دیا ہے کہ یہ میری ذاتی رائے ہے۔ اس کو اختلاف بنا کے پیش کرنے والوں کو مایوسی ہو گی۔ یاد رہے کے یہ کوشش ۳۰ سال سے جاری ہے۔ https://t.co/A5rfmKjez6
— Maryam Nawaz Sharif (@MaryamNSharif) June 22, 2019