کوٹ لکھپت جیل میں لیگی رہنماؤں کی آمد جاری

کوٹ لکھپت جیل میں لیگی رہنماؤں کی آمد جاری فائل فوٹو

جمعرات کا روز سابق وزیراعظم نواز شریف سے جیل میں ملاقات کے لیے مختص ہے اور کوٹ لکھپت جیل میں اہل خانہ اور پارٹی رہنماؤں کی ملاقات کا سلسلہ جاری ہے۔

مسلم لیگ (ن) کے قائد اور سابق وزیراعظم نواز شریف سے کوٹ لکھپت جیل میں اہل خانہ اور پارٹی رہنماؤں کی ملاقات کا سلسلہ جاری ہے۔ جیل انتظامیہ کی جانب سے جاری فہرست میں شامل افراد سابق وزیراعظم سے ملاقات کے لیے آرہے ہیں۔

لیگی رہنما رانا ثناءاللہ، مشاہداللہ خان، پیر صابر شاہ اور دیگر نواز شریف سے ملاقات کے لیے کوٹ لکھپت جیل پہنچے تو اس موقع پر وہاں موجود متوالوں نے نواز شریف کے حق میں نعرے لگائے۔

یاد رہے کہ سابق وزیراعظم نواز شریف احتساب عدالت کی جانب سے العزیزیہ اسٹیل ملز ریفرنس میں دی گئی 7 سال قید کی سزا کاٹ رہے ہیں۔

subscribe YT Channel install suchtv android app on google app store