پاک بحریہ کے سربراہ کا چینی شپ یارڈز کا دورہ

پاک بحریہ کے سربراہ کا چینی شپ یارڈز کا دورہ فائل فوٹو پاک بحریہ کے سربراہ کا چینی شپ یارڈز کا دورہ

پاک بحریہ کے سربراہ ایڈمرل ظفرمحمود عباسی نے پاک بحریہ کے جہازوں کی تیاری کے جائزے کیلئے چینی شپ یارڈز کا دورہ کیا ہے۔

ترجمان پاک بحریہ کے مطابق نیول چیف نے شنگھائی میں ہڈونگ ژانگوا شپ یارڈ اور ووہان میں شوانگ لیو کنسٹرکشن بیس کا دورہ کیا، جہاں نیول چیف کو شپ یارڈ اور کنسٹرکشن بیس پر موجود مختلف جہاز سازی کی سہولیات پر تفصیلی بریفنگ دی گئی۔

ترجمان پاک بحریہ کے مطابق دورے میں نیول چیف ایڈمرل ظفرمحمود عباسی نے پاک بحریہ کیلئے تعمیر کئے جانے والے پلیٹ فارمز کا جائزہ لیا، اس موقع پر نیول چیف کی چین میں مختلف جہاز ساز کمپنیوں کے سربراہان سے بھی ملاقاتیں بھی ہوئیں۔

پاک بحریہ کے ترجمان کے مطابق ملاقاتوں میں چین میں جاری منصوبوں اور مزید باہمی اشتراک کے متعلق امور پر تبادلہ خیال کیا گیا، اس موقع پر نیول چیف نے چین کے ان اداروں کی پیشہ ورانہ مہارتوں اور قابل تحسین کاوشوں کو سراہا۔

ترجمان کے مطابق نیول چیف کا چینی شپ یارڈ کا دورہ پاک بحریہ کی تکنیکی صلاحیتوں میں فروغ کا باعث بنے گا۔

subscribe YT Channel install suchtv android app on google app store