آرمی چیف نے لیفٹیننٹ جنرل شیر افگن کو اے کے رجمنٹ کا کرنل کمانڈنٹ مقرر کر دیا

آرمی چیف نے لیفٹیننٹ جنرل شیر افگن کو اے کے رجمنٹ کا کرنل کمانڈنٹ مقرر کر دیا فائل فوٹو آرمی چیف نے لیفٹیننٹ جنرل شیر افگن کو اے کے رجمنٹ کا کرنل کمانڈنٹ مقرر کر دیا

آرمی چیف جنرل قمر جاوید باجوہ نے آزاد کشمیر رجمنٹل سینٹر کا دورہ کیا، آرمی چیف نے لیفٹیننٹ جنرل شیر افگن کو اے کے رجمنٹ کا کرنل کمانڈنٹ مقرر کر دیا۔

آئی ایس پی آر کے جاری کردہ اعلامیے کے مطابق آرمی چیف نے آزاد کشمیر رجمنٹل سینٹر کا دورہ کر کے لیفٹیننٹ جنرل شیر افگن کو اے کے رجمنٹ کے کرنل کمانڈنٹ کے بیج لگائے۔

پاک فوج کے شعبہ تعلقات عامہ کے مطابق تقریب میں کور کمانڈر راولپنڈی لیفٹیننٹ جنرل بلال اکبر بھی موجود تھے، آزاد کشمیر رجمنٹ کے سبک دوش ہونے والے لیفٹننٹ جنرل ہدایت الرحمان اور بڑی تعداد میں ریٹائرڈ اور حاضر سروس افسران اور جوانوں نے تقریب میں شرکت کی۔

آئی ایس پی آر کا کہنا ہے کہ آرمی چیف جنرل باجوہ نے یاد گار شہدا پر پھول بھی چڑھائے۔

اس موقع پر جوانوں اور افسران سے خطاب کرتے ہوئے آرمی چیف نے مادر وطن کے دفاع کے لیے اے کے رجمنٹ کی قربانیوں کو سراہا۔

install suchtv android app on google app store